ҚМГ жаңалықтары

22.09.2021

Fitch «ҚазМұнайГаз» ҰК АҚ рейтингін «BBB-» деңгейінде растады, болжам «Тұрақты»

2021 жылғы 20 қыркүйекте Fitch Ratings халықаралық рейтинг агенттігі (бұдан әрі – «Агенттік») «ҚазМұнайГаз» ҰК АҚ (бұдан әрі – «Компания», «ҚМГ») ұзақ мерзімді дефолт рейтингін «BBB-» деңгейінде (тәуелсіз рейтингінен бір тармақ төменде) растады, болжам «Тұрақты».

«ҚМГ кредит төлеу қабілеттілігінің «bb-» дербес негізде бағалануы компанияның бизнес қызметі жақсы екенін айғақтайды, сонымен қатар 2020 жылы коронавирус пандемиясы салдарынан мұнайға бағаның құлдырауына байланысты левериджтің жоғарылауынан кейін оның қайта біртіндеп төмендейтініне қатысты агенттіктің болжамдарын көрсетеді» - делінген Агенттік есебінде.

Келесі жылы мұнайдың неғұрлым қалыпты бағасына қарамастан, кредит төлеу қабілеттілігі көрсеткіштерінің жақсаруын болжамдау сияқты басқа факторлар да рейтингті растаудың алғышарттары болып табылады Бұдан басқа, ҚМГ-ның қатысу үлесі бар компаниялардан түсетін дивиденд ағындары жақсарады деп күтіліп отыр.

Агенттіктің баспасөз хабарламасының толық мәтінімен мына сілтемеге өтіп оқи аласыз.