Қауіпсіздік және еңбекті қорғау
Қауіпсіздік және еңбекті қорғау, өнеркәсіптік қауіпсіздік және қоршаған ортаны қорғау саясатына сәйкес біздің негізгі мақсатымыз қызметкерлердің қауіпсіздігін қамтамасыз ету үшін өндірісте жарақат алу мен оқыс оқиғалардың деңгейін төмендету, денсаулыққа залал келтіруді болдырмау, қызметтің қоршаған ортаға тигізер кері әсерін азайту және ҚМГ-ның беделі мен имиджін көтеру болып табылады. Біз қауіпсіздік мәдениет нығайту, топ-менеджменттің қауіпсіздік және еңбекті қорғау мәселелерін ұстануы, жұмыскерлеріміздің құқықтары мен мүмкіндіктерін кеңейту (олардың пікірінше, жұмыс қауіпті тәсілмен орындалып жатқанда, оларға жұмысты тоқтату құқығын беру), жазатайым оқиғалардың түпкілікті себебіне талдау жасау әрекетімізді жалғастыра түсеміз.
ҚМГ басшылығы соңғы үш жылда:
Өндірістік қызметтің нәтижесіне қарағанда адам өмірі мен денсаулығының құндылығына басымдық беруді;
Барлық деңгейдегі басшыларды еңбекті және қоршаған ортаны қорғау мәселесіне тартуды және оқытуды;
Қауіпсіздік талаптарын сақтау үшін қызметкерлердің дербес жауап беруін;
Авариялар мен оқыс оқиғалардың алдын алу үшін оң қауіпсіздік мәдениетін құруды;
Мүдделі барлық тараптар арасында тиімді байланыс жасауды;
Жұмыстардың қауіпсіз орындалуын және қауіпті жүріс-тұрысты түзетуді насихаттап, алға жылжытып келеді.
Біз қауіпсіздік және еңбекті қорғау бойынша корпоративтік мәдениетімізде оң өзгерістерге қол жеткіздік және есеп бойынша айқындылық деңгейін 300 %-ға көтердік. Айқындылықты жылжытуда келесі қадам ҚМГ-нің ақпарат пен тәжірибе алмасуға мүмкіндік беретін IOGP тобына мүшелікке кіруі болып табылады.
Оқыс оқиғалардың түбегейлі себептерін талдау негізінде олардың алдын алу және тергеу, компаниялар тобының алған сабақтары туралы ақпаратты тарату және оқып-үйрену LTIR көрсеткішінің төмендеуіне оң септігін тигізді.
Біз еңбекті және денсаулықты қорғау мәселесін жақсарту үшін салаларды анықтауда, сондай-ақ жазатайым және өнеркәсіптік оқыс оқиғалардың көрсеткіштерін төмендетуде мұнай-газ секторындағы осындай компаниялармен бенчмаркинг өткізуді жалғастырамыз.
Қауіпсіздік мәдениетін көтеру және өндірісте жарақаттану деңгейін азайту үшін мынадай жұмыстар атқарылды:
Топтың барлық автомобильдері қауіпсіздік белбеулерімен жабдықталды;
«Қауіпсіздік бойынша мінез-құлықты қадағалау» бағдарламасы әзірленді;
Корпоративтік құжаттар әзірленді:
- ЕҚОҚ саласындағы стратегиялық бастамаларды қамтитын 2016-2020 жылдарға арналған жол картасы;
- Қауіпсіздік жөніндегі мінез-құлықты қадағалау қағидасы.
Жарақаттану деңгейі өте жоғары еншілес ұйымдарға аудиттер өткізілді;
Қызметкерлерді жұмыс уақытындағы тәуекелдерді талдауға, және басшыларды - қауіпсіздік жөніндегі жаңа бағдарламаларға, оларды қауіпсіздік үдерістеріне тартудың маңыздылығына оқыту мақсатында көшпелі таныстыру сабақтары өткізілді;
Қауіпсіздік мәдениетіндегі өзгерістерді қадағалау мақсатында қауіпсіздік мәдениеті жөнінде ауқымды сауалнама жүргізілді.
Желілік қызметкерлерге қауіпсіздік жөнінде нұсқауды сапалы өткізу мақсатында Қауіпсіздік және еңбекті қорғау мәселелері бойынша кеңестер өткізу жөніндегі тақырыптар жинағы әзірленді.
Қауіпсіздік және еңбекті қорғау саласы бойынша «Қауіпсіздік мәдениетін жетілдіру» тақырыбында жыл сайынғы Бас директорлар форумы өтті.
ЕҚОҚ бойынша қауіпсіздік көшбасшылығы академиясы құрылды;
ҚМГ Басқармасы Төрағасының «ҚазМұнайГаз» ҰК АҚ компаниялар тобының денсаулықты, еңбекті және қоршаған ортаны қорғау саласындағы үздік идеялар мен практикалар» жыл сайынғы конкурсы өтті.
ЕҚОҚ саласындағы біздің жалпы мақсатымыз – IOGP мүше-компаниялармен 2020 жылға қарай персоналдың аналогтық санын салыстыру бойынша еңбекті қорғау көрсеткіштері бойынша жоғарғы квартильге ену.
Covid-19
«ҚазМұнайГаз» ҰК АҚ компаниялар тобында COVID-19 коронавирустық инфекциясының таралуын болдырмау бойынша қабылданып жатқан шаралар туралы ақпарат
COVID-19 коронавирустық инфекцияның (бұдан әрі – КВИ) пандемиясы басталғаннан бері ҚМГ компаниялар тобында КВИ-ге қарсы күрестің мол тәжірибесі жинақталды. Ең маңыздысы – бүкіл кезең ішінде өндірістік процестердің тоқтап қалуына жол берілген жоқ.
Індет жұқтыруды төмендету және оның таралуын барынша азайту, сондай-ақ өндірістік процестерге кері әсерді төмендету мақсатында жаңа жағдайда жұмысқа бейімделу жүргізілді және бірқатар кешенді шара қабылданды, оның ішінде:
- ҚМГ Дағдарыс жағдайларында басқару жөніндегі команданың (ДЖБҚ) және жергілікті атқарушы органдармен, сондай-ақ уәкілетті мемлекеттік қызметтермен үнемі байланыста болатын еншілес және тәуелді ұйымдардың жедел штабтарының жұмысы тиімді ұйымдастырылды, олар КВИ-дің таралу жағдайы мен динамикасына мониторинг және бақылауды да жүргізіп отырады;
- әдістемелік және директивалық құжаттар әзірленді және енгізілді;
- басқару жүйелері қашықтықтан жұмыс істеу форматына көшірілді;
- вахта ауысар алдында мердігерлердің жұмыскерлерімен бірге ауысым персоналы КВИ-ға зертханалық тексеруден өтеді және олардың эпидемиологиялық сақтық шараларының сақталуына бақылау жүргізіледі;
- күрделі бизнес-процестердің тізбесі анықталды және қызметтің үздіксіздігін қамтамасыз ету мен күрделі бизнес-процестерді авариялық қалпына келтіру жоспарлары әзірленді;
- қызметтік іссапарлар шектелді;
- тұрақты түрде және қажеттілікке қарай ДЖБК пен жедел штабтардың отырыстары өтіп тұрады. Олардың барысында індеттің хал-ахуалы, оның өндіріске ықпалы және таралуын алдын алу бойынша қабылданған шаралар сарапқа салынады. Кеңестердің қорытындылары бойынша шешімдер қабылданып, індеттің таралмауы жөнінде қажетті шаралар қабылдауға ұсынымдар беріледі.
Сондай-ақ, қажет болған жағдайда КВИ-ды анықтау және таратылуы кезінде іс-қимыл алгоритмдері іске қосылады, соған сәйкес КВИ-дің таратылмауын күшейту бойынша үш кезең іске асырылды және жалғасып жатыр, мұнда:
1-кезеңде – карантин алды іс-шаралар орындалды;
2-кезеңде – карантиндік режимінің талаптары сақталады;
3-кезеңде – аурудың ошақтары пайда болған кезде ауруды болдырмау жөніндегі іс-шаралар күшейтіледі.
Экономикалық аспектілердің қиындау мүмкіндігін ескере отырып, ауқымды жұмыс атқарылды. Бірінші кезекте – бұл қажетті көлемде жеке қорғаныс құралдарымен және дезинфекциялық құралдармен қамтамасыз ету, әлеуметтік қашықтықты сақтау және температураны өлшеу.
Ауырып қалғандар анықталған немесе ауырып қалу күдігі туындаған кездегі іс-қимыл бойынша іс-шаралар әзірленді және енгізілді.
Эпидемияға қарсы іс-қимыл жөніндегі белгіленген регламенттерге сәйкес профилактикалық іс-шаралар кешенін және күшейтілген санитариялық-дезинфекциялық режимді жүргізу жалғасуда және қалыптасқан жағдайға байланысты эпидемияға қарсы шаралар алгоритмдері іске қосылады.
Ұлттық компанияда вакциналау жөніндегі мемлекеттік науқан басталысымен қызметкерлерге екпе салдыруды ұйымдастыру және ынталандыру жөніндегі іс-шаралар жоспары енгізілді, оған сәйкес ұжымдық иммунитетті қалыптастыру және компаниялар тобының тұрақты үздіксіз қызметін қамтамасыз ету үшін вакцина алудың маңыздылығын түсіндіру бойынша қызметкерлермен белсенді ақпараттық жұмыс жүргізіліп жатыр.
ҚМГ компаниялар тобының қызметкерлері вакцинаны тұрғылықты жері бойынша емханалардан және жекеменшік медициналық мекемелерден алуда. Ол үшін ҚМГ кәсіпорындарында барлық қажетті жағдайлар жасалған: вакцинация алу орындары орталық офистерде, кен орындарындағы мамандандырылған пункттерде және медициналық орталықтарда ұйымдастырылған.
Еншілес және тәуелді ұйымдарда және ҚМГ әкімшілік ғимаратында қызметкерлердің кіруі «Ashyq» қосымшасы арқылы жүзеге асырылады. Корпоративтік орталықта КББЖ (өткізу жүйесі) жүйесінің «Ashyq» ақпараттық жүйесімен табысты біріктірілді. «Қызыл» немесе «сары» мәртебесі бар қызметкерлерге әкімшілік ғимаратқа кіру КББЖ жүйесінде автоматты түрде бұғатталады. Мәртебесі «жасыл» немесе «көк» болып өзгерген кезде ғимаратқа кіруге рұқсат беріледі.
Жоғарыда аталған және басқа да қабылданып жатқан шараларды ескере отырып, ҚМГ компаниялар тобындағы КВИ бойынша ағымдағы жағдай тұрақты және жұмыс режиміндегі қызмет пен бизнес-процестердің үздіксіздігі қамтамасыз етіліп отыр.
