Ішкі аудит қызметі

Ішкі аудит қызметі Директорлар кеңесіне тікелей бағынатын және есеп беретін ҚМГ-нің бірыңғай орталықтандырылған органы.

Қызмет ҚМГ мен ҚМГ компаниялар тобының өзге де ұйымдарының қаржы-шаруашылық қызметіне бақылауды, ішкі бақылау және тәуекелдерді басқару саласындағы бағалауды, корпоративтік басқару саласындағы құжаттардың орындалуын және корпоративтік орталықтың және жалпы ҚМГ компаниялар тобының қызметін жетілдіру мақсатында консультация береді.

Қызмет Ішкі аудит қызметі туралы ережемен реттеледі.

Қызмет жұмысының негізгі мақсаты – Директорлар кеңесіне тәуекелдерді басқару, ішкі бақылау және корпоративтік басқару процестерін жетілдіруде жүйелі тәсіл енгізу арқылы корпоративтік орталық пен ҚМГ компаниялар тобын тиімді басқаруды қамтамасыз етуге арналған тәуелсіз және объективті ақпаратты ұсыну.

2020 жылы өткізілген «ҚПМГ» ЖШС Қызметтің жұмысына жүргізген кезекті сыртқы тәуелсіз бағалау нәтижелері бойынша Этика кодексіне, Ішкі аудиторлар институтының Ішкі аудит айқындамасына және Халықаралық ішкі аудит стандарттарының талаптарына 100% сай екені анықталды. Сондай-ақ, Қызметтің аудиторлар тобының кәсібилігінің, жетілуінің жоғары деңгейі мен ішкі аудит процестерінің айтарлықтай жоғары дәрежеде автоматтандырылғаны атап өтілді.

Әбдірайымов Халижан Серікұлы

Ішкі аудит қызметінің басшысы

Азаматтығы: Қазақстан Республикасы

Білімі: Алматы халық шаруашылығы институтын «Экономика және материалдық-техникалық қамтамасыз етуді жоспарлау» мамандығы бойынша тәмамдады. Сертификатталған мемлекеттік аудитор. Мемлекеттік сектордағы бухгалтерлік есептің халықаралық стандарттарында толық сәйкестігі туралы сертификаты бар. Ішкі аудит саласындағы келесі халықаралық сертификаттардың иегері: «Кәсіби ішкі аудитор» (DipPIA, Ұлыбритания), «Сертификатталған кәсіби ішкі аудитор» (DipСPIA, Ұлыбритания).

Жұмыс тәжірибесі: 1991-2017 жылдар аралығында мемлекеттік органдар мен квазимемлекеттік секторда түрлі басшылық лауазымдарда жұмыс істеді.

2017 жылдан бастап 2021 жылға дейін Республикалық бюджеттің атқарылуын бақылау жөніндегі есеп комитетінің аппаратын басқарды.

2021 жылғы 6 қазаннан бастап «ҚазМұнайГаз» ҰК АҚ Ішкі аудит қызметінің басшысы болып табылады.

Байланыс ақпараты

ҚМГ-нің әрбір қызметкері немесе кез келген үшінші тұлға кез келген қызметкердің, мердігерлік ұйымның немесе қызметі ҚМГ-мен байланысты басқа да тұлғалардың іс-әрекеттерінің заңдылығына қатысты қандай да бір болмасын күмән туындаған жағдайда ҚМГ-ні хабардар етуге құқылы.

Бұл ақпарат этика және алаяқтыққа, ұрлыққа және сыбайлас жемқорлыққа қарсы іс-қимыл мәселелері бойынша тәуелсіз сенім телефоны арқылы хабарлануы мүмкін:

Құпия ақпарат телефоны: 8 800 080 47 47

Мекенжайы: 010000, Қазақстан Республикасы, Нұр-Сұлтан қ., Д. Қонаев к-сі, 8, «Зүбәржат орамы» әкімшілік ғимараты, «Б» блогы

Телефон: +7 (7172) 78 91 45

Электрондық пошта: kh.abdirayymov@kmg.kz