• 2018 жылы біз шығындарды жабуға және өзіміздің қаржылық көрсеткіштерімізді айтарлықтай жақсартуға қол жеткіздік. 2018 жылы ҚМГ сыртқы қарызы төмендеді, инвестицияларға лимиттер белгіленді, жобалардың мерзімдері регламенттелді. Сондай-ақ біз нарықтық ортаға бейінсіз қызмет түрлерін шығара алдық, бұл қайталанатын функцияларды қысқартуға мүмкіндік берді.

Қоршаған орта: Іскер топтар экологиялық проблемаларды шешу кезінде сақтық көзқарасты ұстануға тиіс.

Қоршаған орта: Іскерлік топтар үлкен экологиялық жауапкершілікті ілгерілетуге арналған бастамаларды көтеруі тиіс.

Қоршаған орта: Іскерлік топтар экологиялық қауіпсіз технологияларды дамыту мен таратуды ынталандыруы тиіс.

Сыбайлас жемқорлыққа қарсы күрес: Іскерлік топтар бопсалау мен парақорлықты қоса алғанда, сыбайлас жемқорлықтың барлық нысандарына қарсы тұруға тиіс.

2018 жылы ҚМГ шығарындыларды басқару саясатын әзірледі, ол негізгі сегіз қағидаттардан тұрады, оның алтауы климаттың өзгеру мәселелеріне тікелей қатысты:

• парниктік газдар шығарындыларына белгіленген квоталар көлемін сақтау;

• парниктік газдардың жанама шығарындыларын қоса алғанда, шығарындылардың тұрақты есебін, түгендеуін және мониторингін жүргізу;

• көмірсутек шикізатын өндіру кезінде шикі газды ұдайы жағуды тоқтату;

• шығарындыларды қысқарту және «Көміртегі ізін» азайту бойынша іс-шаралар жүргізу;

• көміртегі активтерін басқару;

• шығарындыларды басқару қызметін үнемі жақсарту (мысалы, климаттың өзгеруіне байланысты залалды болжау, алдын алу және азайту).

Осы жобаны іске асыру:

• жұмыс режимін оңтайландыру және тұтынылатын электр энергиясының сапасын бақылау есебінен электр энергиясына шығындарды төмендетуге;

• ірі тұтынушылар, тораптар, агрегаттар бөлінісінде электр энергиясын тұтыну бойынша деректерді жинау мен өңдеу процесін автоматтандыруға;

• электр тұтыну режимдерін басқаруға, МӨЗ технологиялық процестерінде электр энергиясын пайдалану тиімділігін арттыруға;

• предиктивті талдауға, нақты уақыт режиміндегі мониторингке;

• ҚМГ «Мұнай өңдеу» бизнес-бағытының ЕТҰ электр энергиясын тұтынуыны мониторингілеу мен талдаудың жалпы ортасын құруға;

• уақыт пен объектілер бөлінісінде электр тұтыну бойынша статистикалық деректер базасын қалыптастыруға;

• штаттан тыс жағдайларды сәйкестендіруге және жою бойынша шешімдер әзірлеуге;

• цифрлық кәсіпорын құрудағы негізгі қадамдардың бірін орындауға әкеледі.

2019 жылы «Амангелді Газ» ЖШС өнеркәсіп алаңын жарықтандыру желісін қоректендіру үшін жалпы қуаты 10 кВт күн панелін орнату жоспарлануда.

Өткен жылдары «ҚТГ» АҚ еншілес және тәуелді ұйымдарында енгізілген жаңартылатын энергия көздері (бұдан әрі – ЖЭК) тиімді жұмыс істеуде: «Waterkotte» үлгідегі геотермальды жылу сорғылары; монокристалды күн панельдері (батареялары); термоэлектрогенераторлар (Closed cycle vapor turbogenerator).

Компания ҚР өңірлерін дамытуға, әлеуметтік-экономикалық әлеуетті арттыруға және өңірлер халқының әл-ауқатын жақсартуға елеулі үлес қосады.

Компанияның экономикалық нәтижелілігі ел экономикасына осы салымды, алынған кірістерді, төленген міндеттемелер мен салықтарды бағалауға мүмкіндік береді.

ҚМГ мемлекеттен қаржылық көмек алмайды.

2018 жылы мынадай инвестициялық жобаларды іске асыру сәтті аяқталды:

1. «Қазақстан – Қытай» МГҚ қуатын арттыру (С желісі). Газ құбырының үшінші желісін («С» тармағы) пайдалануға беру арқылы Қазақстан – Қытай МГҚ өнімділігі жылына 55 млрд м³ дейін жеткізілді.

2. «Қостанай облысының елді мекендерін газдандыруды кеңейту». 7 елді мекен газдандырылды (Рудный қаласының Қашар кенті, Лисаков қаласының Октябрь кенті, Қарабалық ауданының Тоғызақ ауылы, Денисов ауданының Антоновка, Алчановка, Әулиекөл ауданының Әулиекөл – жеткізуші газ құбыры жүргізілді, Рудный қаласы – газдандыруды жалғастыру). Жоба бойынша барлығы 7 мың жаңа абонентті қосу жоспарлануда, оның ішінде 6,7 мың үй мен пәтер, 184 ұсақ коммуналдық-тұрмыстық кәсіпорын, 12 өнеркәсіптік кәсіпорын (жалпы тұтыну көлемі 28 млн м³ газ).

3. Қазақстан Республикасының солтүстік және орталық өңірлерін газдандыру шеңберінде 2018 жылы «Сарыарқа» МГҚ құрылысына ЖСҚ әзірленді.

1. Бейнеу – Бозой – Шымкент МГҚ-да үш компрессорлық станция құрылысы.

2. «Қазақстан – Қытай» МГҚ («А» және «В» тармақтары) өнімділігін жылына 40 млрд м³ дейін ұлғайту» техникалық-экономикалық негіздемесін әзірлеу бойынша жұмыстар басталды.

3. Бейнеу – Бозой – Шымкент МГҚ қуатын жылына 15 млрд м³ дейін кеңейтудің техникалықэкономикалық есебін әзірлеу бойынша жұмыстар басталды.

4. Алматы қаласын газдандыру, Алматы қаласының газ тарату жүйелерін жаңғырту, қайта жаңарту. Жоба қаладағы экологиялық жағдайдың жақсаруына ықпал етеді, газбен қамтамасыз етуге шамамен 4,1 мың жаңа абонентті 15,8 млн м³ газ орта жылдық тұтынумен қосуға мүмкіндік береді.

5. «МұнайТас» ЖШС «Кеңқияқ – Атырау» мұнай құбыры реверсінің жобасын іске асыруды бастады. Жоба ПМХЗ және ПКОП-та жылына 6 млн тоннаға дейінгі көлемде Батыс Қазақстан мұнайын тасымалдауды қамтамасыз етуге бағытталған.