Қоршаған ортаны қорғау

ҚМГ биоәртүрлілікті сақтай отырып, табиғи ресурстарды ұтымды пайдалана отырып, өндіріс пен тұтыну қалдықтарын кәдеге жаратып, халықтың экологиялық хабардарлығын арттыра отырып, қоршаған ортаға әсерін барынша азайтуға тырысады.

Қоршаған ортаны қорғау мәселелері ҚМГ-ның басты басымдықтарының бірі болып табылады, Компания өзінің экологиялық көрсеткіштерін жақсарту үшін ұдайы жұмыс істейді.

ҚМГ экологиялық қызметі атмосфералық ауаны қорғау, су ресурстарын ұтымды пайдалану, жер қойнауы мен жер ресурстарын қорғау, қалдықтарды басқару сияқты түрлі бағыттар бойынша жүзеге асырылады. ҚМГ Экологиялық саясаты өндірістік қызмет нәтижесінде атмосфераға шығарындыларды азайту арқылы қоршаған ортаға әсерді барынша азайтуға бағытталған. Саясаттың негізгі қағидаттары: өндірістік қызметтен ластаушы заттардың шығарындыларын азайту арқылы қоршаған ортаға әсерді азайту, өндірістің экологиялық қауіпсіздігін арттыру және экологиялық көрсеткіштерді жақсарту.

ҚМГ табиғи ресурстарды дұрыс пайдалану және ҚМГ өз қызметін жүргізетін аумақтарда қолайлы экологиялық жағдайды қолдау ҚМГ-ның қоғам алдындағы негізгі міндеттерінің бірі болып табылатынын түсінеді.

Компания табиғи ресурстарды ұтымды пайдалануға, ластаушы заттардың қоршаған ортаға әсерін барынша азайтуға, энергия мен ресурс үнемдеуге жәрдемдесуге, қалдықтарды мейлінше аз бойынша өндіруге, сондай-ақ қоршаған ортаға зиян келтірмейтін технологияларды, жабдықтар мен материалдарды енгізуге ниетті. Сонымен қатар біз климаттың өзгеруіне бейімделу және қоршаған ортаға келтірілген зиянды өтеу бойынша шаралар қабылдаймыз.

Мақсаттарға қол жеткізу үшін экологиялық қауіпсіздікті қамтамасыз етуге бағытталған бірқатар іс-шаралар іске асырылды, мысалы, тарихи мұнай қалдықтарын кәдеге жарату және мұнаймен ластанған жерлерді тазарту жөніндегі жұмыстар, қызметкерлер арасында қоршаған ортаны қорғау мәселелерін насихаттау идеологиясы жөніндегі жұмыстарды күшейту, ағаш отырғызу жөніндегі акцияларға қатысу, атмосфералық ауаға шығарындыларды азайту жөніндегі іс-шаралар жоспарларын әзірлеу, экологиялық бағдарламаларды іске асыру және т.б. 

Компанияның бірқатар еншілес және тәуелді ұйымдарында санитарлық-қорғау аймағында, сондай-ақ экологиялық жағдай туралы ақпаратты көрсететін шығарындылар көздерінде атмосфералық ауаның сапасын автоматты бақылау жүйелері орнатылған. 

«Экологиялық мониторингтің автоматтандырылған ақпараттық жүйесі» жобасы

Экологиялық мониторингтің автоматтандырылған ақпараттық жүйесі (бұдан әрі – ЭМААЖ) қоршаған ортаны қорғау саласында бірыңғай ақпараттық кеңістік құруға арналған. 

Жобаның мақсаты:

• Қоршаған ортаны қорғау саласында бірыңғай ақпараттық кеңістік құру; 
• Ықтимал экологиялық айыппұлдарды болдырмау үшін ашықтықты, жеделдікті арттыру және адам қателіктерін азайту. 

ЭМААЖ негізгі міндеттері:

• Мемлекеттік органдарға қоршаған ортаны қорғау саласындағы есептілікті қалыптастыру процестерін автоматтандыру;
• Нормативтік рұқсат беру құжаттарының деректер базасын жүргізу және қоршаған ортаға эмиссиялар үшін төлемдерді есептеу;
• Технологиялық процестерде туындаған ақауларды өндірістік құрылымдармен уақтылы түзету арқылы әлеуетті нормативтен тыс эмиссияларға жедел ден қою;
• Өндірістік экологиялық бақылау нәтижелері бойынша қоршаған ортаның жай-күйіне жедел мониторинг жүргізу;
• HSE KMG жүйесімен синхрондау арқылы корпоративтік есептілікті қалыптастыру.

2023 жылғы өндірістік көрсеткіштер 

• SOx шығарындыларының қарқындылығы – 0,23 (IOGP – 0,09)
• NOx шығарындыларының қарқындылығы – 0,36 (IOGP-0,35)
• Ілеспе мұнай газын (ІМГ) жағу қарқындылығы – 1,4 (IOGP – 8,6)
• ІМГ пайдалану коэффициенті – 98,9 %
• Тарихи қалдықтар мен мұнаймен ластанған жерлерді қалпына келтіру: 1 145,04 мың тонна (2022 жыл – 693,7 мың тонна)
• CDP климаттық рейтингі: «С»
• CDP су қауіпсіздігі рейтингі: «С»

Экологиялық көрсеткіштер, КСШ өндірудің 1 мың тонна м.б. шаққанда, тонна