Теңіз ұңғымаларын басқару

ҚМГ Каспий теңізінің қазақстандық секторында стратегиялық әріптестермен бірлесіп «Жеңіс», «Абай», «Әл-Фараби» және т.б. жер қойнауын пайдалану учаскелерінде геологиялық барлау жұмыстары жүргізілуде. Теңізде барлау жұмыстарының жоғары құнын ескере отырып, ҚМГ барлаумен байланысты тәуекелдерді халықаралық серіктестермен (Eni, Лукойл және т.б.) бөлісуге тырысады. Жер қойнауын пайдалануға арналған келісімшарттарға және бірлескен қызмет туралы келісімдерге сәйкес теңіз ұңғымаларын басқару жөніндегі барлық қажетті міндеттемелер арнайы құрылған бірлескен кәсіпорындарға беріледі.

Бұл ретте бірлескен кәсіпорындарда теңізде ұңғымаларды бұрғылау және теңіз сейсмикалық барлау жұмыстары процестері бойынша басқарушылық шешімдерді ҚМГ және әріптестер Операциялық комитеттер мен олардың кіші комитеттері шеңберінде (қаржылық, техникалық, ЕҚ, ӨҚ және ҚОҚ бойынша, сатып алу бойынша) халықаралық стандарттар мен ҚР заңнамасының талаптарына толық сәйкес қабылдайды.

Теңіз ұңғымаларын басқарумен байланысты барлық міндеттер Операциялық комитет туралы ережелерде және Бірлескен қызмет туралы келісімде көрсетілген.