Жоспарланған шаруашылық қызметті экологиялық бағалау

Компания қоршаған ортаға жоспарланған және жүзеге асырылатын қызметті экологиялық бағалау арқылы қоршаған ортаны қорғау саясатын жүзеге асырады. Мұндай бағалау процесінде белгілі бір экономикалық қызметті жүзеге асыру нәтижесінде мүмкін болатын жағымсыз әсерлер анықталады, зерттеледі және бағаланады.

Жаңа жобаны жүзеге асыру бойынша жоспарланған жобалық шешімдер немесе ниеттер қоғамдық пікірді есепке алудан өтеді және қоршаған орта үшін ықтимал тәуекелдерді бағалаумен іске асырылады. Қоғамдық пікірді есепке алу бейресми кездесулер, жиналыстар, жазбаша және ауызша ұсыныстарды жинау, ашық жиналыстар арқылы көзделеді, мұнда әрбір пікір қаралуға және оларға жауап дайындалуға тиіс. Әрбір жоба үкіметтік емес ұйымдардың, мемлекеттік органдардың, жұртшылықтың және басқа да мүдделі тараптардың қатысуымен қоғамдық тыңдауларға шығарылады. Қоғамдық тыңдаулар барлық ниет білдірушілер үшін ашық. Тыңдаулардың нәтижелері жазбаша жазылып, жұртшылыққа ұсынылады.

2021 жылдан бастап Компания өз жұмысында Қоршаған ортаға әсерді бағалаудың корпоративтік стандартын басшылыққа алады. Стандарт көзделіп отырған қызметтің қоршаған ортаға әсерін бағалау процесінің корпоративтік қағидаттарын айқындайды, ҚМГ компаниялар тобының, ҚМГ компаниялар тобының қызметкерлері мен мердігерлерінің, оның ішінде қызметі қоршаған ортаға әсерді бағалаудың техникалық құжаттамасы мен материалдарын әзірлеумен, қоршаған ортаға әсерді бағалау материалдары бойынша қоғамдық пікірді есепке алуды ұйымдастырумен және жүргізумен, сондай-ақ эмиссияларға рұқсат алумен байланысты жобалау ұйымдарының қызметін регламенттейді. 2024 жылы стандарттың өзектендірілуі күтілуде.