ЕСЕП ТҰЖЫРЫМДАМАСЫ

Ағзаның ерекшеліктерін анықтайтын ген сияқты, орнықты даму тұжырымдамасы кез келген компанияның бірегей бизнес-кодын құрайды. ESG қағидаттары қызметтің барлық аспектілеріне енгізілуі керек. Бұл элементтер стратегияның бір бөлігі ғана емес, олар Компанияның тіршілікке қабілеттілігі мен эволюциясын анықтайтын негіз болып табылады. Экологиялық жауапкершілік, әлеуметтік қолдау және корпоративтік мінез-құлықты тиімді басқару тұрақты бизнес үлгісінің ажырамас бөлігі болып табылады.

ҚМГ қоршаған ортамен үйлесімділікке ұмтылады, өз қызметкерлері мен қоғамдастықтарының әлеуметтік әл-ауқатын қамтамасыз етеді, сондай-ақ корпоративтік басқарудың жоғары стандарттарын қолдайды. Компания уақыт талаптарын қадағалап қана қоймайды – ол ESG кодын әрбір бизнес процесіне енгізу арқылы ұзақ мерзімді перспективада орнықты және жауапты бизнесті құру арқылы оларды қалыптастырады.